उद्योग खोल्न के के चाहियो ? सरकार दिन तयार छ : प्रम ओली

उद्योग खोल्न के के चाहियो ? सरकार दिन तयार छ : प्रम ओली

 

agni

विराटनगर– प्रधानमन्त्री केपी शर्मा ओलीले उद्योग खोल्नका लागि वातावरण बनाउन सरकार तयार रहेको बताएका छन्। शनिबार मोरङ व्यापार संघ र उद्योग संगठन मोरङले विराटनगरमा आयोजना गरेको छलफलमा ओलीले उद्योग खोल्न आबश्यक सबै खालको व्यवस्था गर्न सरकार तयार रहेको बताए।

ओलीले भने, ‘उद्योग खोल्न के के चाहियो? कानून, नियम, निर्देशन, सुविधा सबै दिन सरकार तयार छ।’ बैदेशिक व्यापारका लागि भारत र चीनस“ग पनि सरकारले सहजीकरण गरिदिने ओलीले आश्वासन दिए। उनले हालको अवस्थामा बैदेशिक व्यापार सन्तुलनको कुरै गर्नु बेकार रहेको बताए। उनका अनुसार आयातको तुलनामा ९ प्रतिशत निर्यात  भएको अवस्थामा व्यापार सन्तुलनको कुरा गर्नुको कुनै अर्थ छैन्। ओलीले विहान–विहानै मुखमा विदेशी मञ्जन पर्ने अबस्था अन्त्य गर्न पनि उद्योगीलाई आग्रह गरे।

स्वदेशी कच्चा पदार्थमा आधारित उद्योगलाई विशेष संरक्षण गर्ने सरकारको नीति रहेको प्रधानमन्त्री ओलीले स्पष्ट पारे। स्वदेशी कच्चा पदार्थमा आधारित उद्योगलाई संरक्षण गर्ने नीति अनुसार नै आयातित चिनीमा भन्सार बृद्धि गरिएको उनको भनाई छ। ओलीले भने, ‘नियम कानूनले नमिल्ने भएरमात्रै नभए चिनीमा सरकारले अझै धेरै कर लगाउने थियो।’ विदेशबाट केमिकल ल्याएर घोलेर बेच्ने खालका सानातीना व्यापारका कुरा मात्रै नगर्न उद्योगीहरूलाई उनले आग्रह गरे। उनले ड्रिङक, जुसका नाममा विदेशबाट अर्बौको  केमिकल आयात भइरहेको भन्दै आँपको बोक्रा पनि नभएको ड्रिङकका लागि पैसा खर्च नगर्न समेत गरे।

ओलीले अनाबश्यक जङ्क फुड र कोल्ड ड्रिङस्को उपभोगले व्यापार घाटा उच्च बनाइरहेको बताए। ‘कन्फ्लेक्सको साटो, चिउरा र पपकन तथा जङ्क फुडको साटो कमै भटमास खाए हुँदैन?’ ओलीले प्रश्न गरे। सरकारको नीति अर्गानिक नेपाल बनाउने भएकाले त्यसका लागि आबश्यक बस्तु आयातलाई मात्रै सरकारले प्रोत्साहन गर्ने स्पष्ट पारे।

स्रोत- नागरिक

admin

Related Posts

leave a comment

Create Account



Log In Your Account