सुकुम्बासीलाई बिना लगत लालपुर्जा, लभ लेटेर बाँडेजस्तै : कानुनमन्त्री ढकाल

सुकुम्बासीलाई बिना लगत लालपुर्जा, लभ लेटेर बाँडेजस्तै : कानुनमन्त्री ढकाल

सुकुम्बासीलाई बिना लगत लालपुर्जा, लभ लेटेर बाँडेजस्तै : कानुनमन्त्री ढकाल

संघीय सरकारका कानुन, न्याय तथा संसदीय मामिला मन्त्री भानुभक्त ढकालले पाँच वर्षभित्र सुकुम्बासी समस्या समाधान हुने दावी गरेका छन्। दोहरो स्वामित्व र सुकुम्वासी समस्या समाधानका लागि सरकारले पहल गरिरहेकोले अब सुकुम्बासीहरूको समस्या समाधान हुने उनको दावी छ।

मंगलबार पथरी शनिश्चरे ३ वीरेन्द्रनगरमा भएको कार्यक्रममा ढकालले सुकुम्वासी समस्यालाई नीतिगत रुपमै समाधानको काम भईइरहेको बताए। ‘सुकुम्बासी समस्या समाधानका लागि नीति नबनाई र लगत नराखी  लालपुर्जा बाँड्नु लभ लेटेर (प्रेम पत्र) बाँडनु जस्तै हो’, उनले भने।

सुकुम्बासी समस्या समाधानका लागि संघीय सरकारमा नीति बनाउन आफू लागिपरेको उनको भनाई छ। प्रदेश सरकारले छिट्टै लगत संकलन गर्न सुरू गर्ने मन्त्री ढकालले आश्वासन दिए।

सुकुम्वासी समस्या सामधानका लागि आफ्नो रोडम्याप रहेकाले ५ वर्ष भित्रमा समाधान हुने उनको भनाइ थियो।

यसैबीच उनले बक्राह खोला नियन्त्रणका लागी बजेट विनियोजन भइसकेको र काम थालेपछि बक्राह कटान नियन्त्रण हुने बताए। बक्राहलाई चुनावी एजेण्डा बनाउँदै आएकाहरूको एजेण्डा नै सकिने समेत ढकालको दाबी थियो। ढकालले भने– ‘अबको अर्को चुनावमा खोलाको गीत कसैले गाउनु पर्दैन। चुनाव जित्ने एजेण्डा नै सकिनेछ।’

फरक प्रसंगमा मन्त्री ढकालले विकास र समृद्धिका लागि सबैलाई समेट्न अहिलेको सरकार तयार रहेको बताए। सरकारले गरेका कामको परिणाम आउन केही समय लाग्ने उनको भनाई छ।

गलत गर्ने र असफल हुने अधिकार सरकारलाई नभएको बताउँदै उनले वर्तमान सरकारकै नेतृत्वमा देशमा समृद्धि आउने ढकालको दाबी छ।

भेटघाट कार्यक्रममा पथरीशनिश्चरे नगरपालिकाले सुकुम्वासी समस्या सामाधानका लगायत ५ बुँदे माग गर्दै मन्त्री ढकाललाई ज्ञापन पत्र बुझाएको छ। नगरप्रमुख दिलिप राईसहित वडा अध्यक्षहरूले मन्त्रीसमक्ष माग पत्र बुझाएका हुन्।

ज्ञापनपत्रमा दोहोरो स्वामित्व, अव्यवस्थित बसोबास र सुकुम्वासी सहितको बसोवासको समस्या समाधान, बक्राहा नदीको व्यवस्थित तटवन्ध, बक्राहामा मौलीवारी जोड्ने झोलुङ्गे पुल निर्माण, पथरी डाइनिया सडक कालोपत्रे र नगरमा शीत भण्डारको व्यवस्थापनको माग राखिएको छ।

-Annapurna

admin

Related Posts

चाइना ट्रेडको नाफा एक करोड ५१ लाख चाइना ट्रेडको नाफा एक करोड ५१ लाख author-image अन्नपूर्ण समाज २९ असोज २०७५ १४:३०:०० change fontchange fontchange font 90 SHARES काठमाडौं : चाइना ट्रेड बहुउद्देश्यीय सहकारी संस्था लिमिटेडले एक वर्षको अवधिमा सेयर पुँजी करिब एक करोड वृद्धि गरेको छ। आर्थिक वर्ष २०७४/०७५ मा संस्थाको सेयर पुँजी आठ करोड ५४ लाख रुपैयाँ पुगेको छ। अघिल्लो आवमा यस्तो पुँजी सात करोड ५६ लाख रुपैयाँ थियो। गत आवमा संस्थाको जगेडा कोष पनि २१ प्रतिशत वृद्धि भइ एक करोड ९१ लाख रुपैया पुगेको छ। संस्थालाई आर्थिकरूपमा सबल बनाउन जगेडा कोष बृद्धि गर्न विशेष ध्यान दिँदै आएको छ। संस्थाको कुल सम्पत्ति ४१ करोड रुपैयाँ पुगेको छ। चाइना ट्रेड बहुउद्देश्यीय सहकारी संस्थाको काठमाडौंमा सम्पन्न ११औं वार्षिक साधारणसभामा यो जानाकारी दिइएको हो। गत आवमा संस्थाको निक्षेप पनि वृद्धि भएको छ। असारसम्म संस्थाको निक्षेप २४ करोड ६८ लाख ७७ हजार पुगेको छ। यो निक्षेप अघिल्लो वर्षको तुलनामा १५ प्रतिशत बढी हो। अघिल्लो वर्ष निक्षेप २१ करोड २९ लाख ९१ हजार रुपैयाँ थियो। संस्थाले हाल विभिन्न ९ प्रकारका बचत खाता सञ्चालन गरिरहेको छ। यसमा नियमित बचत खाता, सामान्य बचत खाता, विशेष चाइना ट्रेड बचत खाता, नारी बचत खाता, बाल बचत खाता, सरप्लस बचत खाता, जम्को बचत खाता र कोसेली बचत खाता सञ्चालन गर्दै आएको छ। यसले पनि निक्षेप बढाउन सहयोग पुगेको छ। गत आवमा संस्थाले ३२ करोड ५० लाख रुपैया कर्जा लगानी गरेको छ।यस अवधिमा १९६ जना सेयर सदस्यले कर्जा लगेका छन्। यसले व्यावसायिक कर्जा, घरजग्गा कर्जा, सवारीसाधन कर्जा, सेयर कर्जा, कर्मचारी कर्जा र अन्य कर्जा प्रदान गर्दै आएको छ। गत आवमा संस्थाले एक करोड ५१ लाख ७५ हजार सञ्चालन मुनाफा गरेको छ। यसबाट राज्यलाई २८ लाख ८० हजार रुपैयाँ कर तिरेको छ। संस्थाले मोबाइल बैंकिङ,एसएमएस बैकिङ, फेसबुक पेज, वेवसाइट, ग्रुप एसएमएस प्रणालीलगायत आधुनिक प्रविधि प्रयोगमा ल्याएको छ। यस सहकारीको नेतृत्व वर्ग र कर्मचारीको क्षमता अभिबृद्धिको लागि राष्ट्रिय तथा अन्तर्राष्ट्रियरूपमा पनि विभिन्न कार्यक्रममा सहभागिता जनाउंदै आएको छ। संस्थामा असारसम्म सेयर सदस्य संख्या ९१० पुगेको छ। साधारणसभामा भूमि व्यवस्था, सहकारी तथा गरिबी निवारण मन्त्रालयका सचिव गोपीनाथ मैनाली,राष्ट्रिय सहकारी बैंकका सञ्चालक ज्ञानबहादुर तामाङ, जिल्ला सहकारी संघ काठमाडौंका अध्यक्ष टेकप्रसाद चौंलागाईं, अध्यक्ष दुर्गाबहादुर श्रेष्ठलगायतले सहकारीले मुलुकको विकासका लागि महत्वपूण योगदान गरेको बताए। संस्थाले अन्य केही सहकारी संस्थालाई समेत एकीकरण गरी सबल संस्था निर्माण गर्ने, संयुक्त राष्ट्र संघले घोषणा गरेको दिगो विकास लक्ष्य प्राप्तिका लागि भूमिका खेल्ने, गुणस्तरीय व्यवस्थापन प्रणाली अवलम्बन गरी उच्चस्तरीय सेवासुविधा सेयर सदस्यलाई उपलब्ध गराउनेलगायत नीति तथा कार्यक्रम पारित गरेको प्रमुख कार्यकारी अधिकृत राजेन्द्रकुमार श्रेष्ठले जानकारी दिए। बैंकका कर्मचारी घरमै पुगेर बृद्धभत्ता बाँडे

leave a comment

Create Account



Log In Your Account